Pedagogisk leiar - 100 % vikariat. Vestfold og Telemark

Sektor for kultur og oppvekst søker pedagogisk leiar til barnehagen i 100 % vikariat for perioden 06.05.2024-06.02.2025.

Fyresdal barnehage er kommunal og har 75 plassar og ca. 15 tilsette. Barnehagen blei renovert og bygd ut i 2015. Det fysiske miljøet inne er lyst og fint, og byr inn til leik og kreativitet. Hausten 2019 blei også uteområdet i Fyresdal barnehage renovert og utvida. Utearealet er stort, med mykje bruk av økologisk materiale og med fri tilgang til skog og nærområde. Hamaren Aktivitetspark ser vi på som ein del av primærområdet til barnehagen og blir ofte bruka. Satsingsområda til barnehagen er sosial kompetanse, språk, uteliv og leik.

Stillinga som pedagogisk leiar inneber:

• Medansvar for utvikling av barnehagen som pedagogisk verksemd tilpassa det enkelte barn og barnegruppa
• Medansvar for pedagogisk planlegging, gjennomføring, dokumentasjon og vurdering av barnehagens oppgåver og pedagogiske innhald
• Aktivt nærvære i leik og samspel med barn i kvardagslege aktivitetar
• Medansvar for barnehagen som ei heilskapleg eining, samarbeid med kollegaer, foreldre, leiing og eksterne samarbeidspartnarar
• Medansvar for eit godt arbeidsmiljø i barnehagen

Kvalifikasjonar:

• Godkjend barnehagelærarutdanning eller anna relevant 3-årig sosialfagleg høgskuleutdanning
• Gode norskkunnskapar skriftleg og munnleg, eventuelt minimum bestått norskprøve B2

Vi søker ein person som:

• Bidreg med engasjement og er utviklingsorientert, handlekraftig og fleksibel med fokus på eit godt læringsmiljø
• Har gode samarbeidsevner
• Har evne til å jobbe sjølvstendig, men samtidig vil bidra til tverrfagleg samarbeid
• Likar utfordringar
• Bidreg med engasjement og fokus på eit godt læringsmiljø
• Bidreg til å sikre eit godt samarbeid mellom barnehage og heim
• Har gode digitale ferdigheiter

Personlege eigenskapar vil bli vektlagt i stor grad.

Vi tilbyr:

• Faglege utfordringar i eit godt arbeidsmiljø med gode kollegaer
• Kommunale vilkår inkludert god pensjonsordning
• Løn etter avtale
• Hjelp til å skaffe bustad
• Vakker natur, rein luft og eit hav av moglegheiter for friluftsliv både sommar og vinter
• Barnehageplass frå dag ein i kommunen

Tilsettingsvilkår:

• Tilsetting og løn i samsvar med gjeldande lovar, reglar og avtaleverk.
• Ved tilsetting vil det bli stilt krav om politiattest av ny dato.
• Den som blir tilsett må beherske norsk både skriftleg og munnleg.
• Søkarar utanfor EØS-området må ha arbeids- og opphaldsløyve.

Kontaktperson ved spørsmål:

Nærare opplysningar om stillinga kan rettast til barnehagestyrar, Kathrin Liltved, på 97 06 46 81 eller ++ kathrin.liltvedfyresdal.kommune.no ++.

Søknadsfrist:

Søknadsfrist for stillinga er 08.04.2024.

Velkomen som søkar!

Vi ber om at det elektroniske søknadsskjemaet blir fylt ut fullstendig med både utdanning og erfaring. Attester og vitnemål vil bli etterspurt ved behov. Vi gjer merksam på at namn på søkarar kan bli offentleggjort i høve til offentleglova § 25.

NB. Vi opplever nokre utfordringar i samband med opplasting av vedlegg til søknadane. Vi ber deg derfor om å laste opp vedlegga dine i PDF-format (og ikkje Word-format). Vedlegga kan alternativt ettersendast via post, e-post eller ++E-dialog++.

Om arbeidsgiveren:

Dei overordna satsingsområda for Fyresdal kommune er bulyst og næringsutvikling. Vekst og vilje bind desse to satsingsområda saman og skal gje gjennomføringskraft i alt som skjer i Fyresdal. Fyresdal kommune er ein kommune med vilje til å prøve, vilje til å endre, vilje til å utvikle, vilje til å prioritere, og vilje til å skape eit levande bygdesamfunn. Denne viljen skapar den veksten bygdesamfunnet har behov for.